Жорий йилнинг 2-5 июнь кунлари Самарқанд ва Жиззах вилоятида асосий фан олимпиадаларининг республика босқичи бўлиб ўтди.
Самарқанд вилоятида ўтказилган олимпиадаларда республикамизнинг 14 ҳудудидан 195 нафар 11-синф ўқувчилари тарих, география, она тили, адабиёт, тожик тили ва ўзбек тили фанларидан беллашишди. 5 та 1-ўрин, 5 та 2-ўрин, 5 та 3- ўрин соҳибларига диплом ҳамда пул мукофотлари топширилди.
Жиззах вилоятида инглиз, немис, француз тиллари ҳамда математика ва физика фанларидан ўтказилган олимпиадада Республиканинг 14 та ҳудудидан 221 нафар 11-синф ўқувчилари иштирок этган бўлиб, ғолибларга Халқ таълими вазирлигининг пул мукофотлари ҳамда Жиззах вилояти ҳокимлигининг эсдалик совғалари топширилди.
Республика фан олимпиадаларининг ғолиблари қуйидагича рағбатлантирилади:
Асосий олимпиадалар республика босқичида ғолиб бўлган ҳар бир ўқувчи базавий ҳисоблаш миқдорининг қуйидаги миқдорларида бир марталик пул мукофотлари билан тақдирланади:
1-ўрин учун —12 баравар;
2-ўрин учун —8 баравар;
3-ўрин учун —6 баравар.
Бундан ташқари Олимпиада ғолибига ғолиб бўлган фанидан ОТМга киришда максимал балл берилади.
Бундан ташқари асосий олимпиадалар республика босқичи ғолибларининг ўқитувчилари базавий ҳисоблаш миқдорининг қуйидаги миқдорларида бир марталик пул мукофотлари билан тақдирланади:
1-ўрин учун — 50 баравари;
2-ўрин учун — 35 баравари;
3-ўрин учун — 30 баравари;
Таълим муассасаларида ўқитувчи бўлиб фаолият юритадиган асосий олимпиадалар республика босқичи ғолиблари лавозим маошига ҳар ой 100 фоизлик устама ҳақи тўланади.
