11-синф ўқувчилари билан мулоқот қилиниб, мактабда олган билими, эгаллайдиган касблари юзасидан савол-жавоб ўтказилди. Вазир 11-синф ўқувчиси  Диёра Мирзаганиева билан инглиз тилида эркин мулоқот қилиб, унинг кенг тафаккури, теран фикрлашини эътироф этди ва унга ноутбук ҳамда планшет совға қилди.

Шунингдек, вазир тумандаги 14-мактабда ҳам бўлиб, 11-синф битирувчиси Наима Ҳасанова  билан мулоқот қилди. Китоб ўқиши орқали билим ва дунёқарашини ошираётган,  мақсади сари астойдил ҳаракат қилаётган истеъдодли ўқувчига ноутбук совға қилинди.

Мактаб раҳбарига мамлакат келажагига дахлдор бўлиб, ўқитувчиларнинг масъулиятини ошириш зарурлиги таъкидланди.

Мактабнинг инглиз тили ўқитувчиси Юлдуз Дўлтаева  билан мулоқот қилиниб, соҳани ривожлантириш юзасидан таклифлари тингланди.