Ҳурматли ота-оналар!
Фарзандингизни микроҳудуд бўйича 1-синфга онлайн қабул қилиш жараёни 31 июль куни якунланишини маълум қиламиз.
Маълумот учун: Шу кунга қадар my.maktab.uz платформаси орқали жами 66 319 нафар ўқувчи рўйхатдан ўтказилган бўлиб, шундан 52 594 нафарининг аризалари модератор текширувидан ўтказилган ва микроҳудуддаги мактабларга юборилган.
ДИҚҚАТ:
✅ Ўз микроҳудудига бириктирилган мактаб ҳамда таълим тили давлат тили (ўзбек тили)ни танлаган ота-оналар мактабга боришлари талаб этилмайди (уларнинг фарзандлари тўғридан-тўғри 1-синфга тизим орқали қабул қилинадилар).
✅ 1 августдан кейин ота-оналар томонидан микроҳудуддан ташқари танланган иккинчи ва учинчи мактабларга мавжуд бўш ўринлар асосида ариза қабул қилинган тақдирда, микроҳудуд бўйича мактабга топширилган аризаларни қайтариб олиш имкони берилади.
Эслатма: онлайн қабул ўтказилаётган ҳудудларда анъанавий шаклда ёки бошқа турдаги қабул жараёнлари амалга оширилмайди, шунинг учун БАРЧА ота-оналар 31 июль кунига қадар фарзандларини тизим орқали рўйхатдан ўтказишлари ва ариза юборишлари сўралади.
1-синфга онлайн ариза топширишда қийинчиликларга дуч келаётган бўлсангиз, мактаб маъмуриятига ёки @mymaktab_uz телеграм канали орқали ҳамда ☎️ 71 203 07 04 рақами орқали мурожаатлар марказига қўнқироқ қилишингиз мумкин.
Ишонч телефони рейтинги
1 балл - 102 фойдаланувчи
2 балл - 23 фойдаланувчи
3 балл - 25 фойдаланувчи
4 балл - 69 фойдаланувчи
5 балл - 2256 фойдаланувчи
