Халқ таълими вазирлиги мактаб ўқув жараёнида юритиладиган ҳужжатлар сонини камайтирмоқда.

Халқ таълими вазирининг 2021 йил 1 июлдаги буйруғи билан шу кунга қадар мактабларда юритиб келинган 10 дан ортиқ ўқув-педагогик ҳужжатлар сони 2 бараварга қисқартирилди ва қолганларининг аксарияти электрон шаклда юритилиши белгиланди.

Эндиликда соҳа ходимлари асосий эътибор ва вақтларини «қоғозбозлик» ёки ҳисоботга эмас таълим сифатини оширишга қаратади.

Эслатиб ўтамиз, сўнгги 3 йилда вазирлик тизимида:

• Ўқитувчиларнинг ҳужжатлари 7 тадан 1 тага,
• Синф раҳбарлариники 10 тадан 2 тага,
• Психологларники 27 тадан 8 тага,
• Маънавий-маърифий ишлар бўйича директор ўринбосарлариники 19 тадан 4 тага қисқартирилган эди.

Навбат ўқув жараёнларига оид ҳужжатларни қисқаришга етди.