2021 йилнинг январь-апрель ойларида Халқ таълими вазирлиги томонидан Бирлашган Миллатлар Ташкилотининг Гиёҳвандлик ва жиноятчиликни олдини олиш бўйича Марказий Осиёдаги ваколатхонаси (UNODC) билан ҳамкорликда “Ҳаётий кўникмаларни ривожлантириш бўйича эксперт” Республика танлови ўтказилди. 3 босқичда ташкил этилган ушбу танлов онлайн тарзда @psyforum телеграм канали орқали уюштирилди.

Танловни ташкил этишдан мақсад – халқ таълими тизимида фаолият юритаётган психолог ва педагогларнинг ёшлар орасида ҳаётий кўникмалар, жумладан, зарарли одатларга “йўқ” дейиш, стрессларни бошқариш, соғлом турмуш тарзига амал қилиш кўникмаларини ривожлантириш, ота-она ва фарзандлар ҳамда ўқувчилар орасида ижобий муносабатларни шакллантириш орқали мактаб ва оилада барқарорликка эришишга ўргатиш юзасидан малакасини ошириш, илғор тажрибаларни оммалаштиришдан иборат.

Танловнинг 1-босчиқида иштирокчилар умумтаълим мактабларида амалиётга татбиқ этилган “Аҳил оила – Бахтли мактаб” тренинг дастури бўйича тест орқали билимларини синовдан ўтказишди.

2-босқичида эса мазкур тренинг дастур асосида иштирокчилар 3 ҳафта давомида ўқувчилар ва уларнинг ота-оналари билан ишлаш тажрибасини шакллантирдилар ҳамда ўз фаолиятини тақдимот шаклида намойиш этдилар.

Иштирокчиларнинг тақдимотлари “Аҳил оила – Бахтли мактаб”  тренинг дастури бўйича миллий тренерлар томонидан баҳоланди ҳамда 13 нафар энг кучли деб топилган иштирокчилар 3-финал йўлланмасини қўлга киритдилар.

Финал тренинг дастур юзасидан очиқ ва ёпиқ саволлардан иборат тестлаштириш шаклида бўлиб ўтди.

Танловнинг биринчи босқичида Республика бўйича 2 мингга яқин педагог ва психологлар иштирок этди, шулардан 100 нафари иккинчи босчиқда қатнашган бўлса, 13 нафари учинчи финал босқичида иштирок этди. Қуйида финал босқичи иштирокчилари ва уларнинг танловда эгаллаган ўрни келтирилган.

Ташкилотчилар томонидан ғолибларга диплом билан биргаликда қуйидаги совғалар тақдим этилади:

1-ўрин – планшет;

2-ўрин – смартфон

3-ўрин – смартсоат.

Қолган барча финал соҳиблари эсдалик совғалар ва фахрий ёрлиқ билан тақдирланади.

“Ҳаётий кўникмаларни ривожлантириш бўйича эксперт” Республика танлови иштирокчиларининг умумий тўплаган баллари ва эгаллаган ўрни қўйидаги жадвалда: