Мактабгача ва мактаб таълими вазирлиги тизимидаги умумтаълим муассасалари, Президент, ижод, ихтисослаштирилган мактаблар ҳамда нодавлат умумтаълим мактабларининг 5-11-синф ўқувчилари ўртасида "Ихтирочиликка қадам" республика танлови ўтказилмоқда.

Танловда ўқувчилар томонидан таълим, ахборот технологиялари, яшил энергия, экология, иқлим ўзгариши ва қишлоқ хўжалиги йўналишлари бўйича янги маҳсулот ёки хизмат турини яратиш талаб этилади.

Айни вақтда танловнинг 1-босқич жараёнлари қизғин давом этмоқда.

Маълумот учун: Танлов 4 босқичда қуйидаги вақтларда ташкил этилади:

Мактаб босқичи – ўқув йилининг 1-чорагида;
Туман (шаҳар) босқичи – ўқув йилининг 2-чорагида; 
Вилоят босқичи – ўқув йилининг 3-чорагида; 
Республика босқичи – ўқув йилининг 4-чорагида бўлиб ўтади.