Бугун Мактабгача ва мактаб таълими вазирлигида Ўзбекистон Республикаси Президенти ҳузуридаги Ижтимоий ҳимоя миллий агентлигининг рақамлаштириш йўналишига масъул ходимлари билан ҳамкорликни кенгайтириш бўйича учрашув ташкил этилди.

Унда:

·  “Ягона электрон тизими – erp.maktab.uz” ва “Ягона миллий ижтимоий ҳимоя” ахборот тизимларини ўзаро интеграция қилиш;

·  мавжуд дастурий тизимларини ахборот хавфсизлигини таъминлаш ва келгусида такомиллаштириш;

·  алоҳида таълим эҳтиёжлари бўлган болалар учун ихтисослаштирилган мактаб ва мактаб-интернатларга ўқувчиларни электрон қабул қилиш;

·  «eMaktab» платформаси ва ундан фойдаланиш каби масалалар бўйича фикр алмашилди.

Учрашув якунида Агентлик ва вазирликнинг масъул ходимлари ихтисослаштирилган мактаб ва мактаб-интернатларини ривожлантириш, шунингдек, замонавий ахборот-коммуникация технологиялари кенг жорий этиш юзасидан долзарб вазифалар белгилаб олинди.