Халқ таълими вазирлиги АҚШнинг Ораcле компанияси билан ҳамкорликни йўлга қўйганлигини ва келишув асосида дастлаб республикамиздаги 30 та мактаб Ораcле Аcадемй тизимига уланганлиги ҳақида хабар берган эдик.

Жорий йилнинг октябр-ноябр ойлари давомида 60 нафар информатика ўқитувчиси хорижий тренерлар томонидан “Жава дастурлаш тили» йўналиши бўйича онлайн курсда малака оширди ва уларнинг аксарият қисми тренерлик фаолиятига рухсат берувчи тегишли сертификатларни қўлга киритишди.

Бундай сертификат соҳиби Навоий шаҳар 4-мактаб информатика фани ўқитувчиси Юрий Рустамов ва бошқа ўқитувчилар томонидан 2020-2021 ўқув йили 3-чорагидан бошлаб вариатив ўқув режасининг 3-йўналиши «Фрилансинг» бўйича юқори синф ўқувчиларига замонавий дастурлаш тили асосларини ўргатиш бошланди.

Эътиборли жиҳати – мазкур курс халқаро талабларга тўлиқ жавоб берадиган ва маъқулланган ўқув дастурлари ҳамда материаллари асосида ўтказилиб, уларни муваффақиятли якунлаган мактаб битирувчилари дастурлаш бўйича ИТ соҳасидаги касбларга йўналтирилиб, мутахассислик бўйича дастлабки сертификатларга эга бўлишади. Бу эса, ўқувчи-ёшлар томонидан мактабнинг ўзидаёқ мураккаб бўлмаган касбларнинг асосларини эгаллашига замин яратади.