Butun dunyo maktab o‘quvchilari o‘rtasida onlayn tarzda o‘tkaziladigan Xalqaro geometriya olimpiadasi joriy yilda Eron Islom Respublikasi tomonidan tashkil etilmoqda.
![](/uploads/content/NtEk2xLgMOzi6xT7SkGaNs93ZpIUvd24.jpg)
Joriy yilgi mazkur olimpiadada yurtimizning 67 ta umumta’lim maktablarida tahsil oluvchi 202 nafar o‘quvchi quyidagi 4 xil yosh kategoriyasida ishtirok etmoqda:
7-8-sinf o‘quvchilari;
9-10-sinf o‘quvchilari;
11-sinf o‘quvchilari;
ixtiyoriy 20 yoshgacha bo‘lgan yoshlar.
Olimpiada ishtirokchilariga turli qiyinchilikdagi 5 ta yo‘nalishga doir masalalar berilib, ularni bajarish uchun jami 270 minut ajratildi.
![](/uploads/content/LYHLGLoIQDSgVOD59F5krnieLw6tUAw5.jpg)
Yuqorida keltirib o‘tilgan kategoriyalar bo‘yicha ko‘plab davlatlardan qatnashgan barcha olimpiada ishtirokchilarining ishlari tekshirilmoqda.
Yakuniy natijalar Eron geometriya olimpiadasining rasmiy ijtimoiy tarmoqlari orqali 2022-yil so‘nggiga qadar e’lon qilinishi rejalashtirilgan.