Xalq taʼlimi vazirligi tomonidan pedagog xodimlarining shaʼni va qadrini yanada koʻtarish maqsadida oʻtkazilgan “Oʻqituvchilar-kelajagimiz bunyodkorlaridir!” videoroliklar tanlovining respublika bosqichi gʻoliblarini taqdirlash marosimi boʻlib oʻtdi.
![069a0079.jpg](https://old.uzedu.uz/uploads/2021/11/069a0079.jpg)
Mazkur tanlovning asosiy maqsadi umumiy oʻrta taʼlim muassasalari oʻquvchilari tomonidan oʻz ustozlari faoliyatiga nisbatan hurmat aks ettirilgan videoroliklarni yaratish va tarqatish orqali oʻquvchi-yoshlarning faolligini oshirish, ular tomonidan amalga oshirilayotgan ijodiy tashabbuslarni qoʻllab-quvvatlashdan iborat.
![069a0138.jpg](https://old.uzedu.uz/uploads/2021/11/069a0138.jpg)
Tanlovning respublika bosqichi gʻoliblarini taqdirlash marosimi joriy yilning 12-noyabr kuni Yoshlar press-klubida oʻtkazildi. Tadbirda Xalq taʼlimi vaziri oʻrinbosari Vaxobjon Rajapov har bir hududdan tashrif buyurgan 14 nafar gʻolib hamda maktab rahbarlariga vazirlikning qimmatbaho sovgʻalarini topshirdi.
![4o9a9802254.jpg](https://old.uzedu.uz/uploads/2021/11/4o9a9802254.jpg)
Tadbir ishtirokchilariga Toshkent shahar Shayxontohur tumani Barkamol avlod bolalar ijodiyot markazi oʻquvchilari tomonidan aʼlo kayfiyat ulashish maqsadida ashula va raqs namoyish etildi.