Xalq taʼlimi tizimidagi muammolarni “maktabbay” o‘rganish va sohadagi islohotlarni pedagoglarga yetkazish maqsadida Farg‘ona viloyatida bo‘lib turgan Xalq taʼlimi vazirligi mutasaddilari bugun oltiariqlik pedagoglar bilan uchrashdi. Xususan, tumandagi 1-maktabda bo‘lib, o‘quvchilar uchun yaratilgan sharoit va mavjud muammolar o‘rganildi.
![photo2022-05-1221-10-27.jpg](https://old.uzedu.uz/uploads/2022/05/photo2022-05-1221-10-27.jpg)
Ayni vaqtda ushbu maktabda 2400 nafardan ziyod o‘quvchi ikki navbatda taʼlim olmoqda. Tuman hokimligi bilan birgalikda yangi o‘quv yiliga qadar maktabda qo‘shimcha o‘quvchi o‘rni yaratishga kelishib olindi.
![photo2022-05-1221-10-47.jpg](https://old.uzedu.uz/uploads/2022/05/photo2022-05-1221-10-47.jpg)
Pedagoglar bilan muloqotda esa kuni kecha Prezidentimiz tomonidan imzolangan kelgusi 5 yilda xalq taʼlimi sohasini rivojlantirish milliy dasturini amalga oshirishga oid Farmon va Qarorlarining ahamiyati haqida suhbatlashildi.
![photo2022-05-1221-10-43.jpg](https://old.uzedu.uz/uploads/2022/05/photo2022-05-1221-10-43.jpg)
Shuningdek, o‘quvchilarni maʼnaviy yetuk inson qilib tarbiyalashda o‘qituvchilar masʼuliyati, mamlakat taraqqiyoti pedagoglarga bog‘liq ekanligi, kasb-hunarga yo‘naltirishda 5-6 ta kasb bilan chegaralanmasdan, o‘quvchilarni ko‘proq kasblar bilan tanishtirish zarurligi taʼkidlandi. Shundagina bitiruvchilar farovon hayotga erishib, Oltiariq tumani, qolaversa Farg‘ona viloyati va mamlakatimiz taraqqiy etishi haqida tushuncha berildi.
![photo2022-05-1221-10-32.jpg](https://old.uzedu.uz/uploads/2022/05/photo2022-05-1221-10-32.jpg)
Suhbat so‘ngida mazkur maktabda uzoq yillar davomida ishlab kelayotgan ikki nafar tajribali pedagog - Atham Yuldoshev va Fotima Yuldoshevalarga noutbuk taqdim etildi.