Joriy yilning 25-30-sentyabr kunlari Xalq taʼlimi vazirligi tashabbusi bilan ilk marotaba umumiy oʻrta taʼlim maktab oʻqituvchilari oʻrtasida “Quvnoq startlar” sport musobaqasining respublika final bosqichi oʻtkazildi.
![dsc0656-2.jpg](https://old.uzedu.uz/uploads/2021/10/dsc0656-2.jpg)
Mazkur sport musobaqasida Qoraqalpogʻiston Respublikasi, Toshkent shahri va viloyatlar mintaqaviy boʻlimlaridan jami 224 nafar oʻqituvchi ishtirok etdi.
![dsc0908.jpg](https://old.uzedu.uz/uploads/2021/10/dsc0908.jpg)
Ushbu qiziqarli va murosasiz kechgan bahslarda jamoalar quyidagi oʻrinlarni egalladi.
1-oʻrinni Toshkent shahri jamoasi,
2-oʻrinni Navoiy viloyati jamoasi,
3-oʻrinni Namangan hamda Jizzax viloyatlari jamoalari qoʻlga kiritdi.
![dsc0979.jpg](https://old.uzedu.uz/uploads/2021/10/dsc0979.jpg)
Musobaqada gʻolib va sovrindor boʻlgan oʻqituvchilar Oʻzbekiston Respublikasi Xalq taʼlimi vazirligi va “Yoshlik” jismoniy tarbiya va sport jamiyati Markaziy kengashi tomonidan diplom, medal, kubok va qimmatbaho sovgʻalar bilan taqdirlandi.
![dsc0921.jpg](https://old.uzedu.uz/uploads/2021/10/dsc0921.jpg)
Shuningdek, “1-oktyabr - Oʻqituvchi va murabbiylar kuni” munosabati bilan sport sohasida faoliyat yuritayotgan xodimlar va jismoniy tarbiya fani oʻqituvchilariga “Xalq taʼlimi aʼlochisi” koʻkrak nishonlari tantanali ravishda topshirildi.
--