Yurtboshimizning “Oʻzbekistonning yangi taraqqiyot davrida taʼlim-tarbiya va ilm-fan sohalarini rivojlantirish chora-tadbirlari toʻgʻrisida”gi Farmonlariga muvofiq 2021-yilda 5,9 mingdan ortiq xalq taʼlimi boʻlimi mudirlari va metodistlari, umumtaʼlim muassasalari direktorlari hamda oʻqituvchilariga Oʻzbekiston Kasaba uyushmalari Federatsiyasi hisobidan sanatoriylarda dam olish uchun bepul yoʻllanmalar berilmoqda.

2021-yil aprel oyida Kasaba uyushmalari federatsiya tasarrufidagi 22 ta sanatoriylarda oʻn kun davomida 419 nafar xodimlar salomatliklarini mustahkamladilar.

Jumladan, 2020-yil foydalanishga topshirilgan Surxondaryo viloyati, Oltinsoy tumanidagi soʻlim togʻ qoʻynidagi zamonaviy «Xoʻjaipok» sanatoriy-sogʻlomlashtirish va dam olish majmuasida 19 nafar xodimlar tayanch harakat tizimi, akusher-ginekologik kasalliklar, asab tizimi, jigar, buyrak, teri tanosil va boshqa xastaliklarni davolash va profilaktika qilish boʻyicha muolajalar oldilar.