Maktabgacha va maktab ta’limi vazirligi tomonidan Ilm-fan va ta’lim-tarbiyani rivojlantirish Ziyo Forum fondi bilan hamkorlikda "Ziyolilar.maktab" loyihasida g‘olib bo‘lgan o‘quvchilarni taqdirlash marosimi bo‘lib o‘tdi.

Tadbirni vazir Hilola Umarova ochib berdi. U o’z nutqida g‘oliblar va ularning yaqinlarini samimiy tabriklab, ulkan zafar va muvaffaqiyatlar tiladi.

Fond direktori Bobur Farmanov ham so’zga chiqib, barchaga o‘z ezgu tilaklarini bildirdi. 

G‘olib o‘quvchilar sertifikat, “Ziyolilar” to‘plami hamda esdalik sovg‘alari bilan taqdirlanishdi. 

Ma’lumot o‘rnida: "Ziyolilar.maktab" loyihasi doirasida 9300dan ziyod anketalar kelib tushgan. Ular orasidan 100 nafar eng faol, tashabbuskor va iqtidorli o‘quvchilar saralab olindi.