Maktabgacha va maktab ta'limi vazirligi Axborot xizmati tomonidan bolalarning yozgi ta'til davomida nimalar bilan band ekanligini aniqlash maqsadida ota-onalar o‘rtasida ijtimoiy so’rovnoma o‘tkazildi.

Unda 4668 kishi ishtirok etdi. Natijalar quyidagicha:

Ishtirokchilar javoblaridan ko‘rish mumkinki, yozgi ta'til davomida 
o‘quvchilarning katta qismi qo‘shimcha darslarga qatnashadi (51 %). 

Bu bilan ular yangi o‘quv yiliga tayyorlanishadi, yozning 3 oyidan unumli foydalanib, yangi ko‘nikmalarni qo‘lga kiritishadi. 

So‘rovnomada qatnashgan 42 % ota-onalar esa farzandim ta'til davomida uyda, uy ishlariga yordamlashadi, deb javob berishgan. 

Undan keyingi o‘rinda bolalarning ta'til davomida bobo-buvisinikida (12 %) va oromgohlarda (10 %) o‘tkazishi ko‘rsatkichi egallaydi. 

Ishtirokchilarning 5 foizi bolalari ta’tilni xorijda o‘tkazishlarini bildirishgan.