Bugun, 18-iyun kuni Qozog‘iston Respublikasi Olmaota shahridagi Quruqlikdagi qo‘shinlar harbiy institutida “Aybin” xalqaro harbiy-vatanparvarlar yig‘inining tantanali ochilish marosimi bo‘lib o‘tdi.

Marosimni Qozog‘iston mudofaa vaziri ochib berib, barcha jamoalarga muvaffaqiyat tiladi. 

Ta’kidlash kerakki, mazkur xalqaro yig‘inda umumta’lim maktablarining 10-11-sinf o‘quvchilaridan iborat “Vatan tayanchi” bolalar va o‘smirlar harbiy-vatanparvarlik harakati jamoasi O‘zbekiston sharafini himoya qiladi.

Bir hafta davom etadigan bellashuvlarda jamoamiz Rossiya, Ozarbayjon, Qirg‘iziston, Belarus davlatlari hamda mezbon davlatning 42 ta jamoalari bilan bellashadi.