Joriy yilning 15 aprel kuni Xalq taʼlimi vaziri Baxtiyor Saidov Toshkent viloyati, Chirchiq shahridagi 10-maktabda bo‘ldi.

Dastlab, taʼlim muassasasida o‘quvchilarga yaratilgan sharoitlar hamda moddiy-texnik baza ko‘zdan kechirildi. Maktab pedagoglari bilan suhbat jarayonida Baxtiyor Saidov bugun ular tomonidan o‘quvchilarga ko‘rsatilgan eʼtibor, ertamiz uchun muhim poydevor ekanligini taʼkidlab o‘tdi.

So‘ngra vazir 8-9-sinf o‘quvchilarining dars jarayonlarida qatnashib, iqtidorli va bilimdon o‘quvchilarga noutbuk va badiiy kitoblar taqdim etdi.