Бугун пойтахтимиздаги Гимнастика бўйича республика ихтисослаштирилган олимпия захиралари болалар-ўсмирлар спорт мактабида ўқувчи-ёшлар ўртасида спортнинг бадиий гимнастика тури бўйича “Мактабгача ва мактаб таълими вазири кубоги” республика мусобақаси ғолибларини тақдирлаш маросими бўлиб ўтди.

Унда Мактабгача ва мактаб таълими вазири Ҳилола Умарова, вазирлик масъуллари, тегишли ташкилот ва кенг жамоатчилик вакиллари қатнашди.

Мусобақада умумтаълим мактабларининг 1-4-синф ўқувчи-қизлари мактаб, туман (шаҳар), ҳудудий (Қорақалпоғистон Республикаси, вилоятлар ва Тошкент шаҳри) ҳамда республика босқичлари бўйича ўзаро куч синашишди. 

Мусобақанинг туман (шаҳар) босқичи 7-10-октабр кунлари, ҳудудий  босқичи 21-25-октабр кунлари ташкил этилди.

Бугун боʻлиб оʻтган мусобақанинг Республика босқичи якуний натижаларига коʻра, жамоавий баҳслар боʻйича:

1-ўрин — Тошкент шаҳар жамоаси;
2-ўрин — Жиззах  вилояти жамоаси;
3-ўрин — Сирдарё вилояти жамоаси ғолибликни қо’лга киритди. 

Якка иштирокчилар йўналиши бўйича:

2016-йил туғилган ўқувчилар ўртасида: 

1-ўрин — Хадича Асадуллаева (Тошкент шаҳри);
2-ўрин — Камила Қиличова (Бухоро вилояти);
3-ўрин — Эсмира Абилкиримова (Самарқанд вилояти)га;

2017-йилда туғилган ўқувчилар ўртасида:

1-ўрин — Самира Холмуродова (Тошкент шаҳри); 
2-ўрин — Самира Носиржонова (Наманган вилояти);
3-ўрин — Самира Жураева (Бухоро вилояти)га насиб қилди.

Мусобақа ғолиблари Вазир кубоги, махсус Диплом ҳамда қимматбаҳо совғалар билан тақдирланди.