Мактабгача ва мактаб таълими вазири ўринбосари Темур Комилов бошчилигидаги ишчи гуруҳ Навоий вилоятидаги таълим ташкилотларида мавжуд муаммоларни ўрганмоқда. 

Ўрганиш давомида Кармана туманидаги 6-мактабнинг куз-қиш мавсумига тайёргарлик ҳолати, 14-мактаб ҳамда туманнинг 4 та маҳалласида янгидан бунёд этилаётган мактабгача таълим ташкилотларининг қурилиш жараёнлари кўздан кечирилиб, 14-мактабда қўшимча бинонинг қурилиш ишларини жадаллаштириш тўғрисида кўрсатма берилди. 

Шунингдек, тумандаги 21-мактабда бўлиб ўтган педагоглар билан мулоқотда муаммолар ва таклифлар эшитилди.

Вазирлик ишчи гуруҳи таълим ташкилотлари муаммоларини  ўрганишда давом этмоқда.