Бугун Мактабгача ва мактаб таълими вазири Ҳилола Умарова Сергели туманида яшовчи ёшлардан икки нафари билан учрашди. 

Учрашув чоғида ёшларнинг қизиқишлари ва муаммоларини тинглаб, уларни ечими юзасидан мутасаддилар билан гаплашди. 

Жумладан, ёшлардан бири қандолатчилик маҳсулотларини пишириш орқали даромад олиши ва унга ушбу йўналишда тадбиркорлигини ривожлантиришга кўмаклашиш учун ускуналар харид қилиш, яна бири автомобил устахонасини ташкил қилиш учун субсидия олишга кўмаклашиш юзасидан мурожаат қилди. 

Ҳилола Умарова ёшларга муаммоларини ҳал этиш чораларини кўриш юзасидан вазирлик ишчи гуруҳга тегишли топшириқлар берди.