Bugun Xalq ta’limi vaziri Baxtiyor Saidov hamda ayni vaqtda O‘zbekistonda bo‘lib turgan Rossiya maorif vaziri Sergey Kravsov poytaxtimizdagi 5-umumta’lim maktabida bo‘ldi.
![](/uploads/content/G2ibTkWeEFUMt5JY783L07qyI0h05J47.jpg)
Mehmonlar ushbu ta’lim muassasasida o‘quvchilarning sifatli ta’lim olishi uchun yaratilgan shart-sharoitlar, xususan, ta’lim mazmunini oshirish borasida olib borilayotgan o‘quv-amaliy jarayonlar bilan atroflicha tanishishdi.
![](/uploads/content/DpyJjnnzzia1Be1ZBdDkHwbH9svUjz4i.jpg)
Uchrashuvda mehmonga O‘zbekistonda maktab ta’limini rivojlantirish, o‘quvchilarning kasbiy ko‘nikmalarini oshirish, ularni hayotga tayyorlab borishda yurtimizda olib borilayotgan izchil islohotlarning mazmun-mohiyati mazkur maktab misolida tushuntirib o‘tildi.
![](/uploads/content/uSHd2WJQPCO7kg_etRt3s9iRs8JFaOaZ.jpg)
O‘zaro muloqotlar davomida A.I. Gersen nomidagi Rossiya davlat pedagogika universitetining Toshkent filiali bilan hamkorlikda tayyorlangan “Russkiy yazik” darsligi namoyish etildi.
![](/uploads/content/msoQpz-GD9SPBkyxwOMRHshPrCLUW7XO.jpg)
Sergey Kravsov mazkur maktab faoliyati bilan tanishar ekan, O‘zbekistonda maktab ta’limi davlat siyosati darajasida e’tibor berilayotganligi, o‘quvchilarning sifatli ta’lim olishlari uchun yaratilgan sharoitlar hamda xalq ta’limiga e’tiborni e’tirof etib o‘tdi.
![](/uploads/content/iPIhTOP7xSIi7BH40l-YTPLLnIHnzDcL.jpg)
![](/uploads/content/vOebyAjoR7OWnjeajY9NFa81msrUgMfE.jpg)