Xorazm viloyati, Tuproqqalʼa tumanida taʼlim sifatini yaxshilash, o‘quvchilarning IT sohasida bilimlarini oshirish maqsadida hududdagi 2-, 4- va 17-maktablarga tadbirkor Sherzod Yusupov va “Bilim Online” nodavlat-notijorat tashkiloti rahbari Sobirjon Mirjalilov homiyligida to‘liq kompyuter to‘plamlari sovg‘a qilindi.
![](/uploads/content/1tsynyge2zqO7J1zXZtXsQufCT0WCWnu.jpg)
Shuningdek, tadbirkorlar tomonidan maktablarning informatika xonalari to‘liq taʼmirdan chiqarildi. Devorlariga o‘ziga xos dizayn bilan bezak berilib, konditsionerlar o‘rnatib berildi.
![](/uploads/content/ScGXx29f310Jc6U2JJ8jJP4bknqIdosO.png)
Homiylar ko‘magida o‘quvchi-yoshlarning zamonaviy axborot texnologiyalari vositalaridan foydalangan holda darslarini o‘tishi hamda “Khan Academy O‘zbek” onlayn darslaridan qiyinchiliksiz foydalanishlari uchun qulay sharoitlar yaratib berildi.
![](/uploads/content/l0zl012dPtosmKji5Ilad2HvWvkAgdFp.jpg)
Xalq taʼlimi vazirligi mana shunday tashabbuskor, maktabdan o‘z eʼtibori va ko‘magini ayamaydigan tadbirkorlar hamda ota-onalarga samimiy minnatdorlik bildiradi.