Mazkur treningning ochilish marosimida Florida davlat universitetidan trenerlar, AQSH Xalqaro Taraqqiyot Agentligi (USAID), Xalq taʼlimi vazirligi hamda Respublika taʼlim markazidan rasmiylar qatnashdi.

Florida davlat universiteti mutaxassislari dastur boshlanganidan beri ilk marotaba O‘zbekistonga tashrif buyurishdi va mahalliy dastur hamkorlari, o‘qituvchilar, taqriz guruhi aʼzolari hamda o‘quv metodik majmualar yaratilish jarayonida qatnashgan mutaxassislar bilan yuzma-yuz ko‘rishdi.

Ushbu kunlar davomida seminarda o‘quv-metodik majmualar ishlab chiqish jarayoni, bolalar uchun qiziqarli va pedagogik jihatdan mos bo‘lgan kontentning nozik jihatlari, dizayn sirlari va boshqa ko‘plab mavzularga eʼtibor qaratiladi.