Xalq taʼlimi vazirligiga ayrim hududlarda 1-sinf oʻquvchilariga Prezident sovgʻalari yoki uning tarkibidagi ayrim oʻquv qurollari yetib bormagani haqida xabarlar kelib tushmoqda. Xalq taʼlimi vazirligi mazkur holat yuzasidan quyidagilarni maʼlum qiladi:

Afsuski, pandemiya yangi oʻquv yili boshlanishining soʻnggi kunigacha baʼzi ota-onalar tomonidan farzandlarini hujjatlarini topshirishini kechiktirdi, shu bilar birga baʼzi yetkazib beruvchilarning kechikishiga ham olib keldi. Bu esa oʻz-oʻzidan sovgʻalarni hisob-kitob qilishda va toʻliq qilib yetkazishda muammolarni yuzaga keltirdi.

Xalq taʼlimi vazirligi ota-onalardan vaziyatni toʻgʻri qabul qilishlarini va tez kunda sovgʻalar har bir bolaga yetib borishi taʼminlanishini maʼlum qiladi. Sovgʻalarni ichidagi baʼzi yetmay qolgan oʻquv qurollari joyiga qaytadan yetkazilib, tarqatiladi.