Maktabgacha va maktab taʼlimi vaziri o‘rinbosari Temur Komilov ishchi guruh bilan Surxondaryo viloyatining Termiz tumanidagi 2-umumtaʼlim maktabida bo‘ldi.

Maktabdagi uchrashuv davomida vazir o‘rinbosari mazkur taʼlim muassasasi faoliyati hamda unda yo‘lga qo‘yilgan taʼlim-tarbiya jarayonlari bilan tanishib, tanaffus davomida o‘quvchilar bilan suhbatlashdi.

Shuningdek, maktabda kasb-hunarga o‘qitish jarayonlarini yana-da yaxshilash borasida o‘z tavsiyalarini berdi.