Маълумки, янги ўқув йили олдидан халқ таълими муассасалари раҳбарларининг масъулияти ва ташаббускорлиги, тизимда фаолият юритаётган педагог ходимларнинг касбий салоҳияти, маҳоратини янада ошириш, ўқув дастур ҳамда дарсликлардаги янгиликлар, ўзгаришлар билан тизим ходимларини яқиндан таништириш, янги ўқув йилидаги муҳим ва устувор вазифаларни белгилаб олиш мақсадида Август кенгашлари ташкил этилади.

Жорий йилнинг 15-16 август кунлари Республика ўқув-семинари видеоконференция шаклида ўтказилади. Жумладан, Қорақалпоғистон Республикаси, Тошкент шаҳри ва барча вилоятлар ҳудудий ўқув-семинарлари 19-20 август, туман (шаҳар)ларда фан йўналишлари бўйича шўъба ва ялпи йиғилишлар 22-24 август, умумий ўрта таълим муассасаларида педагогик кенгашлар тарзида 27-28 август кунлари бўлиб ўтади.

Республика ўқув-семинари дастури асосида тақдимот, видеомаъруза, тарқатма материалларни тайёрланиб, 15 августга қадар жойларга етказилади. Шунингдек, семинар машғулотларини ўтиш учун соҳанинг тажрибали мутахассислари жалб этилади.

Халқ таълими вазирлиги
Ахборот хизмати

13.08.2019 19:03:00