Ijtimoiy tarmoqda tarqatilgan Kogon shahridagi 9-maktabning 10-sinf oʻquvchilari havo haroratining past boʻlishiga qaramay dars vaqtida koʻylakda maktab hovlisida turganligi aks ettirilgan video boʻyicha munosabat

 

Ijtimoiy tarmoqda tarqatilgan Kogon shahridagi 9-maktabning 10-sinf oʻquvchilari havo haroratining past boʻlishiga qaramay dars vaqtida koʻylakda maktab hovlisida turganligi aks ettirilgan video boʻyicha munosabat 

Mazkur holat mutaxassislar tomonidan oʻrganildi. Oʻrganish natijasiga koʻra, joriy yilning 17-yanvar kuni 10-sinf oʻquvchilari jismoniy tarbiya darsiga formasiz kelganligi haqida oʻqituvchi N.Choriyev maktabning maʼnaviy-maʼrifiy ishlari boʻyicha direktor oʻrinbosari G.Muqimovaga bildirgi orqali murojaat qilgan. 

Direktor oʻrinbosari oʻquvchilardan holat yuzasidan yozma tushuntirish soʻragan. Oʻquvchilar qogʻoz olish maqsadida maktab hovlisida joylashgan doʻkonga chiqqan. 

10-sinf oʻquvchisi Firdavs Ravshanovmazkur holatni telefonda videoga olib,tasvirni ijtimoiy tarmoqlarda tarqatgan. 

Firdavs Ravshanov bilan suhbatlashilganda, ushbu holatni ota-onalar majlisida muhokama qilinishidan qoʻrqib amalga oshirganligini va qilgan ishidan pushaymonligini bildirdi. 

Taʼlim-tarbiya jarayonini tashkil etishga yetarli eʼtibor qaratmaganligi uchun direktor oʻrinbosari G.Muqimova, sinf rahbari X.Ergasheva, oʻqituvchi N.Choriyevga belgilangan tartibda intizomiy jazo chorasi qoʻllanildi. 

Buxoro viloyati xalq taʼlimi boshqarmasi axborot xizmati

 

 

Share to: