Барча мактабларда “Китоб ҳафталиги” ташкил этилмоқда

2019.02.04 | Янгиликлар

Юртимизда ёш авлоднинг ҳар томонлама етук камол топиши ҳамда интеллектуал салоҳиятли бўлиб вояга етишига катта эътибор қаратилмоқда. Хусусан, Халқ таълими вазирлиги томонидан ўқувчилар ўртасида миллий ва жаҳон адабиётларини тизимли тарғиб этиш орқали улар қалбида ватанпарварлик, эзгулик, инсонпарварлик сингари юксак инсоний туйғуларни шакллантириш мақсадида кенг кўламли ишлар амалга оширилмоқда.

Жумладан, умумтаълим муассасалари ўқувчилари ўртасида бадиий адабиётни мутолаа қилиш ҳамда уларнинг китобхонлик маданиятини ошириш мақсадида жорий йилнинг февраль-май ойларида ахборот-ресурс маркази, синф раҳбарлари, она тили ва адабиёт фани ўқитувчилари, кутубхоначилар ва ёшлар етакчилари иштирокида “Китоб ҳафталиги”ни ўтказиш режа-жадвали ишлаб чиқилди. Мазкур режага асосан 
“Китоб ҳафталиги” тадбирларини она тили ва адабиёт фани дарсларида, тарбиявий соатлар жараёнида ҳамда ўқувчиларнинг дарсдан бўш вақтида юқори савияда ташкил этилиши белгиланди.

Таъкидлаш жоизки, ҳафталик доирасида ўзбек миллий ҳамда жаҳон адабиёти намояндаларининг сара асарлари мутолаа қилиниши қайд этилган. Ўқувчилар дунёқарашини ривожлантирувчи асарлар сирасига шеър, ҳикоя ва қисса, шунингдек. қизиқарли эртаклар ҳам киритилган. Ушбу бадиий адабиётлар ўғил-қизларнинг ёшига мос тарзда танланган. Асарлар жадвалга биноан ҳар ҳафта белгиланган адабиёт синфлар кесими бўйича мутолаа қилинади. Барча саъй-ҳаракатлар педагогларнинг фаоллигини оширишга, шу билан бирга ҳафталикни уюшқоқлик билан ўтказишга қаратилади.

Эслатиб ўтамиз, “Китоб ҳафталиги” жорий йилнинг 4 февралида бошланиб, 25 майида якунланади.

 

Халқ таълими тизимига оид сўнги янгиликлар билан вазирликнинг телеграм канали орқали ҳам танишиб боришингиз мумкин.

Халқ таълими вазирлиги
Ахборот хизмати

Рўйхатдан ўтиш





Топ Рейтинг НИПС www.uz
100031, Ўзбекистон, Тошкент шаҳри, Яккасарой тумани, Миробод кўчаси, 14-уй.
Телефон: (+99871)215-52-81, факс: (+99895)479-99-08 e-mail: uzedu@exat.uz
Вазирлик иш кунлари: душанба-жума(9.00-18.00гача, 13.00-14.00гача тушлик),
дам олиш кунлари: шанба, якшанба ва байрам кунлари.
Матбуот хизмати рақами: (+99871)266-18-53

Ўзбекистон Республикаси Халқ таълими вазирлиги

Cайтнинг очиқлик сиёсати

Материалдан тўлиқ ёки қисман фойдаланилганда, uzedu.uz манбаси кўрсатилиши шарт.

Вазирлик сайтининг олдинги варианти.

Ҳозир сайтда: 38

Хато кўрсангиз белгиланг ва Ctrl+Enter ни босинг.