ХТВ ва Sixclouds Ўзбекистонда онлайн таълим платформаларини жорий этиш масалаларини муҳокама этдилар

2018.10.30 | Янгиликлар

Ўзбекистон Халқ таълими вазирлигида Сингапурнинг Sixclouds компанияси бош директори ва асосчиси Ричард Вун билан учрашув бўлиб ўтди.

Халқ таълими вазирлиги билан учрашув давомида, Sixclouds компанияси вакиллари Сингапур, Малайзия ва Хитойда фойдаланиб келинаётган таълим платформасини тақдим этдилар.

Sixclouds компаниясининг ривожланиш бўйича бош мутахассиси Бенсон Лек сўзларига кўра, IGNITE онлайн платформаси Сингапур таълим тизими асосида яратилган. Унинг маълумотларига кўра, Сингапур мактаб ўқувчилари PISA ўқувчиларнинг саводхонлиги ва компетенциясини баҳоловчи халқаро дастури (15–16 яшар ўқувчиларнинг математик саводхонлиги, ўқиш ва табиатшунослик соҳасидаги саводхонлигини баҳолаш) ва TIMSS мактабдаги математика ва табиий фанлар соҳасидаги таълим сифатининг халқаро тадқиқотида (4 ва 8-синф ўқувчиларининг математика ва табиий фанлар соҳасидаги саводхонлигини баҳолаш) юқори ўринларни эгалламоқда.

IGNITE платформаси болаларнинг мактабдан ташқари таълимини ташкил этиш учун яратилган ҳамда ҳозирда инглиз тили ва математика ўрганиш дастурларини таклиф этмоқда, – деди Бенсон Лек. Унинг айтишича, бу икки фан болаларнинг келажакдаги муваффақиятга эришишлари учун муҳим фанлардир. Платформадан компьютер ёки мобиль қурилмалардан фойдаланиш мумкин.

Платформа доирасида дарслар анимация асосида яратилган бўлиб, қийин мавзуларни ҳам енгил тушунишга имконият яратади.

Sixclouds стартапи вакиллари таъкидлашича, улар яқин кунларда платформа имкониятларини янги ўқув курслари, жумладан дастурлаш бўйича, ва қўшимча хизматларни туширган ҳолда кенгайтириш ниятидалар.

Sixclouds бош директори Ричард Вун Ўзбекистонда ўз компаниясининг офисини очиш ва мамлакатда тижорат лойиҳалари билан бирга таълим платформасини тарғиб қилиш бўйича қарор қабул қилганини айтиб ўтди.

Учрашув доирасида Халқ таълими вазирлиги ва Sixclouds компанияси вакиллари Ўзбекистон аҳолисига сифатли таълим хизматларини кўрсатиш бўйича, жумладан ахборот технологияларини жорий этган ҳолда, ҳамкорлик истиқболларини муҳокама этдилар.

Халқ таълими вазирлиги
Ахборот хизмати

Рўйхатдан ўтиш





Топ Рейтинг НИПС www.uz
100187, Ўзбекистон, Тошкент шаҳри, М.Улуғбек тумани, Буюк ипак йўли кўчаси, 243-уй.
Телефон: (+99871)265-90-92, факс: (+99871)265-90-92 e-mail: uzedu@exat.uz
Вазирлик иш кунлари: душанба-жума(9.00-18.00гача, 13.00-14.00гача тушлик),
дам олиш кунлари: шанба, якшанба ва байрам кунлари.
Матбуот хизмати рақами: (+99871)266-18-53

Ўзбекистон Республикаси Халқ таълими вазирлиги

Cайтнинг очиқлик сиёсати

Материалдан тўлиқ ёки қисман фойдаланилганда, uzedu.uz манбаси кўрсатилиши шарт.

Вазирлик сайтининг олдинги варианти.

Ҳозир сайтда: 33

Хато кўрсангиз белгиланг ва Ctrl+Enter ни босинг.