ХТВ ва Осиё тараққиёт банки истиқболли ҳамкорлик бўйича музокаралар бошлади

2019.02.07 | Янгиликлар

Халқ таълими вазирлиги ва Осиё тараққиёт банки Ўзбекистонда таълим сифатини ошириш учун ҳамкорлик йўналишларини белгилаб олиш бўйича муҳокамалар бошладилар.

Халқ таълими вазири Шерзод Шерматов ОТБининг ижтимоий сектор бўйича катта мутахассиси Шин Лонг бошчилигидаги делегациясини қабул қилди. Учрашувда Осиё тараққиёт банки вакиллари Ўзбекистон билан 2020-2022 йилларга мўлжалланган ҳамкорлик дастури бўйича иш олиб бораётганини алоҳида таъкидлади ва мазкур учрашув Халқ таълим вазирлиги билан ҳамкорликнинг истиқболли йўналишларини аниқлаб олишга қаратилганлиги айтилди.

Учрашув давомида ОТБ мутахассислари давлат таълим тизимини ислоҳ қилишнинг асосий йўналишлари билан танишди. ХТВнинг асосий вазифаси таълим сифатини оширишдан иборат.

Шунингдек, мактаблар инфратузилмасини, жумладан “Замонавий мактаб” дастури доирасида, такомиллаштириш, ўқувчиларнинг билими ва ўқитувчиларнинг малакасини баҳолаш тизимини жорий этиш ҳамда ўқув дастурларини ишлаб чиқишда Осиё тараққиёт банки ҳамкорлик масалалари кўриб чиқилди.

Шу билан бирга халқ таълими тизимга ахборот технологияларини жорий этиш ҳамда STEAM (фан, технология, муҳандислик, санъат ва математика) фанларини ўқитишни такомиллаштириш масалаларига алоҳида эътибор қаратилди.

Учрашув сўнгида ОТБ ва бошқа халқаро ҳамкорларнинг молиявий кўмагида амалга ошириладиган қўшма лойиҳаларни тайёрлаш ва муҳокама этиш келишиб олинди.

Халқ таълими тизимига оид сўнги янгиликлар билан вазирликнинг телеграм канали орқали ҳам танишиб боришингиз мумкин.

Халқ таълими вазирлиги
Ахборот хизмати

Рўйхатдан ўтиш





Топ Рейтинг НИПС www.uz
100187, Ўзбекистон, Тошкент шаҳри, М.Улуғбек тумани, Буюк ипак йўли кўчаси, 243-уй.
Телефон: (+99871)265-90-92, факс: (+99871)265-90-92 e-mail: uzedu@exat.uz
Вазирлик иш кунлари: душанба-жума(9.00-18.00гача, 13.00-14.00гача тушлик),
дам олиш кунлари: шанба, якшанба ва байрам кунлари.
Матбуот хизмати рақами: (+99871)266-18-53

Ўзбекистон Республикаси Халқ таълими вазирлиги

Cайтнинг очиқлик сиёсати

Материалдан тўлиқ ёки қисман фойдаланилганда, uzedu.uz манбаси кўрсатилиши шарт.

Вазирлик сайтининг олдинги варианти.

Ҳозир сайтда: 34

Хато кўрсангиз белгиланг ва Ctrl+Enter ни босинг.