Мактаб ўқувчилари ўртасида футзал бўйича мусобақа ташкил этилди

2019.02.12 | Янгиликлар

Халқ таълими вазирлиги томонидан ёшлар ўртасида соғлом турмуш тарзини шакллантириш, умумтаълим мактаби ўқувчиларининг бўш вақтларини мазмунли ўтказиш ва саломатлигини мустаҳкамлаш мақсадида кўплаб мусобақалар, фестиваллар ва тадбирлар ўтказиб келмоқда.

Жумладан, Халқ таълим вазирлиги Ўзбекистон футбол ассоциацияси билан ҳамкорликда умумий ўрта таълим мактабларининг 2005-2007 йилларда туғилган ўқувчилари ўртасида мини-футбол бўйича “ЎФА КУБОГИ” мусобақаси ташкил этилди. Мазкур мусобақа давомида жами 130 мингдан ортиқ ўқувчи-ёшлар қатнашди.

Бугун 12 февраль куни пойтахтимиздаги “Ўзбекистон“ спорт мажмуасида мусобақанинг финал учрашуви бўлиб ўтди. Финалда Қашқадарё вилояти Косон туманининг 57-мактаб ва Тошкент шаҳри Чилонзор туманининг 162-мактаб жамоалари ўзаро куч синашишди. Муросасиз кечган баҳснинг асосий вақти 4:4 ҳисобидаги дуранг билан якунига етди. Мусобақа ғолиби пенальтилар сериясида аниқланди. Пенальтилар сериясида омад Тошкент шаҳри жамоасига кулиб боқди ва “ЎФА КУБОГИ” ғолиблигини қўлга киритди.

Финал ўйинидан кейин мусобақа ғолиб ва совриндорларини тақдирлаш маросими ўтказилди. Тақдирлаш маросимида Халқ таълими вазири ўринбосари Дилшод Кенжаев, вазирликнинг масъул вакиллари ҳамда Ўзбекистон футбол ассоциацияси бош котиби Сардор Раҳматуллаев қатнашишди.

“ЎФА Кубоги“ бронза медали соҳиблари Наманган ва Навоий вилояти жамоаси аъзолари планшет ва спорт экипировкалари билан, 2-ўринни эгаллаган Қашқадарё жамоаси футболчилари кумуш медали ва велосипедлар билан тақдирланди. Мусобақа ғолиби Тошкент шаҳри жамоаси аъзоларига кубок, олтин медаллар ва PlayStation 4 совға қилинди.

Шунингдек, мусобақада Хайруллаев Равшан (Қашқадарё) “Энг яхши футболчи”, Исматуллаев Диёр (Навоий) “Энг яхши дарвозабон” ва Шералиев Амир (Тошкент шаҳри) “Энг яхши тўпурар” номинациялар бўйича Ўзбекистон “Ёшлик” жисмоний тарбия ва спорт жамиятининг қимматбаҳо совғалари билан тақдирланди.

 

Халқ таълими вазирлиги
Ахборот хизмати

Рўйхатдан ўтиш





Топ Рейтинг НИПС www.uz
100187, Ўзбекистон, Тошкент шаҳри, М.Улуғбек тумани, Буюк ипак йўли кўчаси, 243-уй.
Телефон: (+99871)265-90-92, факс: (+99871)265-90-92 e-mail: uzedu@exat.uz
Вазирлик иш кунлари: душанба-жума(9.00-18.00гача, 13.00-14.00гача тушлик),
дам олиш кунлари: шанба, якшанба ва байрам кунлари.
Матбуот хизмати рақами: (+99871)266-18-53

Ўзбекистон Республикаси Халқ таълими вазирлиги

Cайтнинг очиқлик сиёсати

Материалдан тўлиқ ёки қисман фойдаланилганда, uzedu.uz манбаси кўрсатилиши шарт.

Вазирлик сайтининг олдинги варианти.

Ҳозир сайтда: 31

Хато кўрсангиз белгиланг ва Ctrl+Enter ни босинг.